Համացանցում տեսանյութ է հայտնվել, որում տղամարդը թռիչքից անմիջապես առաջ բարձրացրել է ուղևորատար ինքնաթիռի թևի վրա։ Այս մասին հաղորդում է Independent-ը՝ վկայակոչելով Նիգերիայի ԶԼՄ-ներին:
Տեսանյութուոմ երևում է, թե ինչպես է տղամարդը Boeing 737-ի թևի վրա տեղաշարժվում դեպի խցիկը:
Դեպքը տեղի է ունեցել Նիգերիայի Լագոս օդանավակայանի թռիչքուղու վրա: Այն ուղևորների մոտ խուճապ է առաջացրել:
Հայտնի չէ՝ արդյոք տղամարդը փորձել է ապօրինի մուտք գործել ինքնաթիռ, թե այլ պատճառներ է ունեցել այդ տարօրինակ արարքի համար: Նշվում է միայն, որ անվտանգության հետ կապված խնդիրները նորություն չեն այդ օդանավակայանի համար:
Դեպքի ժամանակ սարսափած ուղևորները պահանջել են դադարեցնել թռիչքը և տարհանել իրենց ինքնաթիռից:
