ՀՀ վարչապետ Նիկոլ Փաշինյանը Facebook-ի իր էջում ուղիղ հեռարձակմամբ հայտնել է, որ հանդիպում է Հավաքակսն անվտանգության պայմանագրի կազմակերպության անդամ պետությունների խորհրդարանների ղեկավարներրի հետ։
ՀԱՊԿ-ն մեզ համար կազմակերպություն է, որն ունի ռազմավարական նշանակություն: Այս մասին նշեց ՀՀ վարչապետ Նիկոլ Փաշինյանը:
Նա ասաց, որ հանդիպմանը մասնակցում է նաև Սերբիայի խորհրդարանի նախագահը՝ նշելով. «Ուրախ եմ, որ վերջին շրջանում տարբեր ձևաչափերով հանդիպում ենք մեր սերբ գործընկերներին, այդ թվում Եվրասիական տնտեսական խորհրդի, ՀԱՊԿ-ի»:
«Մենք համարում ենք, որ ՀԱՊԿ-ն կայունության և անվտանգության կարևոր գործոն է մեր տարածաշրջանում և մենք կարևոր նշանակություն ենք տալիս ՀԱՊԿ-ում մեր համագործակցության բոլոր 3 հարթություններին: Առաջին հերթին դա արտաքին քաղաքականության կոորդինացումն է, դա ռազմական, ռազմատեխնիկական համագործակցությունն է, և իհարկե, անվտանգության ոլորտում մեր ընդհանուր մոտեցումն է ընդհանուր սպառնալիքներին:
Սպառնալիքները, ցավոք, նույնպես զարգանում և փոխվում են, և մենք պետք է համարժեք լինենք դրանց, նաև ՀԱՊԿ-ն պետք է համապատասխանի այն ժամանակակից իրողություններին, որոնք առկա են տարածաշրջանում և աշխարհում: Ես ուրախ եմ, որ մենք բավական կառուցողական համագործակցում ենք ՀԱՊԿ հետագա զարգացման ուղղությամբ:
Մենք կարևոր նշանակություն ենք տալիս կազմակերպության խորհրդարանական վեհաժողովին, որովհետև կարծում ենք, որ շատ կարևոր է անդամ երկրների օրենսդրությունների ներդաշնակեցումը:
Ես բավարարված եմ, որ մեզ հաջողվեց համաձայնության գալ ՀԱՊԿ գլխավոր քարտուղարի պաշտոնում նշանակման հարցում: Մենք պետք է ինչ-ինչ փոփոխություններ կատարենք իրավական, կազմակերպչական փաստաթղթերում, որպեսզի այդ բոլոր իրավիճակները լուծումներ ունենան: Դա կբարձրացնի մեր կազմակերպության արդյունավետությունը:
Մեր կազմակերպության գլխավոր էությունն այն է, որ մեր արտաքին քաղաքական, ռազմատեխնիկական, ընդհանրապես, բոլոր ուղղություններով հարաբերություններում հաշվի առնվեն բոլոր անդամ երկրների շահերը»,-ընդգծեց Փաշինյանը:
https://www.facebook.com/nikol.pashinyan/videos/2898946780129251/?__tn__=kC-R&eid=ARBc1lt_iTAjrKdeJTKdSHmGLUyGuisZPhllOuvudTqik_9Ft1jpyYlo0e2W9-AymO6QaPHGfc-IMinP&hc_ref=ART2S8UH1dmMVxJ_NKhBdj3HuklZBZbszFPhFQNYIaPv0CkTUY7ZJVnM3dgtJdFjf5U&__xts__[0]=68.ARAShHvKxZSTQXnhA-e6KyjacxpIj2W-c0i-x34zaCIR1USRpgxQ6Ovise1FZGmGa_qXzz38kOdwCUZOBpbIeNX_zml_YQwALAOWINJl_iW_w2mFRX3GUO3Z5LYT5uB38npQKpIO4QKoxIOxZaKSXONHx6vENFL7LWS_0fZWgNjD6CIUeBWFtGNzEbNqr4gccgh7aoOu1ZyxaVxCP-ZYXiSFK7vx2DDkl6cJzJ1D5UcwrpDRvbg28caRXLQXuu7RXixjnhX35vHZeLm7yGdIs3hv4aphMiONA0y_FfxLWoq75mG8J3Kz9lKMqvh7SGd9i9-kbjhTDsKPEOAZf6muzGOC5gfdRpGaOpUBZktv__TJQHgd4xWCjL9DC7OqX_TRoI_76A