ՌԴ փոխարտգործնախարար Անդրեյ Ռուդենկոն իր կարծիքն է հայտնել ԵԱՀԿ Մինսկի խմբի գործունեության մասին։
«Չէի ասի, որ ԵԱՀԿ Մինսկի խումբն անգործության է մատնված: Շփումները շարունակվում են, գուցե ոչ այնքան հրապարակային, բայց այնուամենայնիվ,-ասել է նա։
ԵԱՀԿ Մինսկի խմբի համանախագահների հանդիպումը, ինչպես նաև նրանց բանակցությունները Հայաստանի և Ադրբեջանի արտգործնախարարների հետ նախատեսված են Նյու Յորքում` ՄԱԿ-ի Գլխավոր ասամբլեայի շրջանակում։
«Ներկայումս համանախագահների եռյակը նախատեսում է հանդիպել Նյու Յորքում՝ ՄԱԿ-ի Գլխավոր ասամբլեայի շրջանակում: Հանդիպումները կլինեն միմյանց, Հայաստանի և Ադրբեջանի արտգործնախարարների հետ: Եթե դա տեղի ունենա, ապա դա լավ նշան կլինի, որ երկու երկրների միջև հարաբերությունների կարգավորման գործընթացը գործնական տեսք է ստացել: Մենք շարունակում ենք դիտարկել Մինսկի խումբը որպես խաղաղարար գործընթացի ճանապարհին առաջ տանելու կարևոր գործիք », – ասել է նա:
Այս մասին տեղեկանում ենք ՏԱՍՍ-ից։
ԽՈՐՀՈւՐԴ Է ՏՐՎՈւՄ ԿԱՐԴԱԼ
