Ամեն ինչ օրենքի սահմաններում է․ Մարությանը՝ Ֆիզգոռոդոկի իրավիճակի մասին

Այսօր Երևանի ավագանու նիստի ընթացքում ավագանու «Իմ քայլը» խմբակցության անդամ Գրիգոր Երիցյանը դիմեց քաղաքապետ Հայկ Մարությանին ու հարցրեց «Ֆիզգոռոդոկում» ընթացող գործընթացների մասին, ինչպես նաև ներկայացրեց այնտեղ տիրող իրավիճակը։

Սրան ի պատասխան Մարությանն ասաց, որ ամեն ինչ արվում է օրենքի սահմաններում։

Քաղաքապետի խոսքով՝ երեկ երկար քննարկում է եղել այս հարցի վերաբերյալ ու ստեղծված իրավիճակի մասով եղած հարցերը գտնվում են անձամբ իր ու ավագանու ուշադրության կենտրոնում։

Նա վստահեցրեց բոլորին, որ ամեն ինչ օրենքի շրջանակներում է արվում։