Փարիզի ոստիկանությունը տարհանում է միգրանտների տարերային ճամբարը

Ֆրանսիայի ոստիկանությունը Փարիզի հյուսիսում տարհանում է միգրանտների տարերային ճամբարը, հայտնել է France Bleu ռադիոցանցը:

Ռադիոցանցի փոխանցմամբ՝ մետրոյի Պորտ դը լա Շապել կայարանի մերձակա ճամբարում, ըստ տարբեր գնահատումների, գտնվում է մի քանի հարյուրից մինչև հազար միգրանտ:

Տարհանված միգրանտները կտեղաբաշխվեն շտապ տեղավորման կենտրոններում: Անցյալ տարվա հոկտեմբերին ոստիկանությունը միգրանտների՝ տարերայնորեն ստեղծված ճամբարի տարհանում է անցկացրել երկրի հյուսիսի Գրանդ-Սենտ կոմունայում:

Լրատվամիջոցների փոխանցմամբ՝ ճամբարում ապրում էր մոտ 1500 մարդ:

Une évacuation est en cours dans le camps de porte de la Chapelle dans le nord de Paris. Environ 400-500 migrants sur place. pic.twitter.com/LwrovTvl58

— InfoMigrants Français (@InfoMigrants_fr) January 29, 2019