Այսօր լրագրողների հետ զրույցում Ազգային ժողովի «Իմ քայլը» խմբակցության ղեկավար Լիլիթ Մակունցը, անդրադառնալով Հրայր Թովմասյանի ԱԺ նիստին ներկա չգտնվելու փաստին, նշեց․
«Պարոն Թովմասյանի իրավունքն է` ներկա գտնվել, կամ ոչ: Եթե որոշել է ներկա չգտնվել, ապա որևէ առարկություն այդ առումով լինել չի կարող»:
Նշենք, որ այսօր Ազգային ժողովի նիստի ընթացքում քննարկվել է նաև Հրայր Թովմասյանի՝ որպես ՍԴ նախագահի լիազորությունները դադարեցնելու հարցով ՍԴ դիմելու նախագիծը: Նիստին հրավիրված էր եղել նաև Հրայր Թովմասյանը, սակայն վերջինս չի մասնակցել:
Ինչ վերաբերում է Հրայր Թովմասյանի արած հայտարարություններին, ապա Մակունցը նշեց, որ Հրայր Թովմասյանը թեպետ իր հայտարարության մեջ նշել էր, որ ընթացակարգը իրավական է, ինքը զերծ կմնա հայտարարություններ անելուց, այնուամենայնիվ, տեղափոխվել քաղաքական դաշտ:
