2026 թվականի օգոստոսի 27-ի լույս 28-ի գիշերը երկնքում տեղի կունենա երկու կարևոր աստղագիտական երևույթ՝ «Թառափի լուսին» (Sturgeon Moon) և մասնակի լուսնային խավարում։ Ինչպես հաղորդում է Le Bonbon-ը, սա ամառվա վերջին լիալուսինն է, որը կուղեկցվի երկնային մարմնի գույնի փոփոխությամբ։
Խավարման առավելագույն փուլում լուսնային սկավառակի մոտ 96%-ը կհայտնվի Երկրի ստվերում։ Այս գործընթացի արդյունքում Լուսինը կստանա պղնձա-կարմրավուն երանգ։ Եվրոպական ժամանակով խավարումը կսկսվի ժամը 04:30-ի սահմաններում, իսկ առավելագույն փուլը կգրանցվի առավոտյան 06:12-ին։
«Թառափի լուսին» անվանումը գալիս է Հյուսիսային Ամերիկայի ավանդույթներից, երբ օգոստոսին Մեծ լճերի տարածաշրջանում ակտիվանում էր թառափ ձկան որսը։ Աստղագետները նշում են, որ սա տարվա ամենատպավորիչ լուսնային իրադարձություններից մեկն է լինելու։