Կառավարության ֆինանսավորմամբ Պարույր Սևակ գյուղի Տիգրանաշեն թաղամասից մինչև Երասխ համայնքի օղակաձև հրապարակ իրականացվում է 12 կմ երկարությամբ ճանապարհի կապիտալ վերանորոգում։
Արարատի մարզպետ Գարիկ Սարգսյանն ծանոթացել է ճանապարհի վերանորոգման աշխատանքներին։ Ներկա պահին ընթանում են ճանապարհի հարթեցման, հողալցման և ամրացման աշխատանքներ:
Շինարարությունն իրականացնող «AAB Construction» ընկերությունը Երասխում գործող սեփական շարժական գործարանում է ստանում ասֆալտը: Շինարարները վստահեցրեցին՝ օր ու գիշեր աշխատում են՝ ճանապարհը սահմանված ժամկետում՝ դեկտեմբերի վերջ շահագործման հանձնելու համար:
Արդեն հաջորդ տարի վերանորոգվող ճանապարհի ողջ երկայնքով կտեղադրվեն բետոնյա և երկաթբետոնյա արգելապատնեշներ:
Այս մասին տեղեկացնում են Արարատի մարզպետարանի պաշտոնական կայքից։
ԽՈՐՀՈւՐԴ Է ՏՐՎՈւՄ ԿԱՐԴԱԼ
