Պեկինի հարավ-արևմուտքում գտնվող լողավազաններից մեկում գազանման քլորի արտահոսք է տեղի ունեցել, ինչի հետևանքով 61 մարդ է հոսպիտալացվել: Այս մասին հայտնում է РИА Новости գործակալությունը:
Միջադեպը տեղի է ունեցել ուրբաթ երեկոյան՝ Ֆանշան թաղամասում գտնվող «Ժույլայ» լողավազանում: Այցելուների մեծ մասը գլխապտույտ ու սրտխառնոց է ունեցել, ինչից անմիջապես հետո տեղական իշխանությունները տարհանել են բոլոր այցելուներին, իսկ տուժածներին տեղափոխել են հիվանդանոց:
Այսօր առավոտյան դրությամբ հիվանդանոցներում է գտնվում 38 մարդ, 23-ը դուրս է գրվել:
Այժմ ստուգում է իրականացվում՝ արտահոսքի պատճառը պարզելու համար:
ԽՈՐՀՈւՐԴ Է ՏՐՎՈւՄ ԿԱՐԴԱԼ
