Պերուի կառավարությունը 2020թ. երկրորդ կիսամյակում Կուսկո հարավային դեպարտամենտում գտնվող ինկերի սրբավայր Մաչու Պիկչուում, ինչպես նաև հնագիտական այլ հուշարձանների տարածքում և բնական գոտիներում զբոսաշրջիկների մուտքն անվճար կդարձնի՝ տուրիզմի աշխուժացման նպատակով, որը տուժել է նոր կորոնավիրուսի ճգնաժամի հետևանքով: Այս մասին տեղեկացնում է «ՌԻԱ Նովոստի»-ն:
«Որպես տուրիզմի վերակտիվացման և տնտեսական զարգացման միջոցառումներ COVID-19-ի պատճառով առողջապահության ոլորտում արտակարգ իրադրության շրջանակում անվճար հասանելիություն է տրամադրվելու պետական ծառայողներին, երեխաներին, դեռահասներին և տարեցներին՝ առանց քաղաքացիությունը հաշվի առնելու, որոնք այցելում են հնագիտական հուշարձաններ, թանգարաններ, պատմական վայրեր և բնական տարածքներ, որոնք գտնվում են պետության ենթակայության տակ կամ պահպանվում են պետության կողմից»-, նշված է երկրի կառավարության հայտարարության մեջ:
Առանց մուտքավճարի ռեժիմը գործելու է 2020 թվականի հուլիսի 1-ից դեկտեմբերի 31-ը, սակայն օբյեկտներին հասանելիությունն իրականացվելու է առողջության պահպանման նոր ուղեցույցներին հետևելով:
Բացի Մաչու Պիկչուից, հնագիտական հուշարձանների թվի մեջ են մտնում Իկա հարավային դեպարտամենտում Նասկայի երկրաչափական պատկերներն ու գեոգլիֆները, Չան Չան քաղաքը, որը դասվում է մինչկոլումբոսյան Չիմու մշակույթին և գտնվում է Լիբերտադ հյուսիսային դեպարտամենտում:
Բացի հնագիտության հուշարձաններից ազատ հասանելիություն կունենան Ամազոնիայի ազգային արգելոցներ Տամբոպատան, Պակայա Սամիրիան, Մանու ազգային արգելոցը և այլն:
Պերուում գրանցվել է COVID-19-ի 68 822 վարակի դեպք՝ ներառյալ 1961 մահ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
