Պոլ Պոգբան կրկին վնասվածք է ստացել և 2022 թվականի աշխարհի առաջնությունը բաց թողնելու վտանգի տակ է։
Կիսապաշտպանը վերջերս է վերադարձել «Յուվենտուսի» հետ մարզումներին՝ հուլիսին ստացած մենիսկի վնասվածքից ապաքինվելուց հետո:
Ըստ La Gazzetta dello Sport-ի, Պոգբայի մոտ ախտորոշվել է ազդրի մկանային վնասվածք։ Պոլը բաց կթողնի առնվազն 10 օր։
Նշվում է, որ այս վնասվածքի պատճառով կիսապաշտպանը կարող է չմտնել Ֆրանսիայի հավաքական նոյեմբերի 20-ին մեկնարկող Քաթարում կայանալիք աշխարհի առաջնությանը։ Թիմերը պետք է իրենց վերջնական հայտը ներկայացնեն մինչև նոյեմբերի 13-ը: