ՄԱԿ Անվտանգության խորհուրդը պետք է վերականգնի Իրանին զենքի մատակարարումների արգելքը։ Այս մասին Twitter-ի իր էջում գրել է ԱՄՆ պետքարտուղար Մայք Պոմպեոն։
Նրա խոսքով՝ «ոչ կոռեկտ» իրանական գործարքի պատճառով Իրանին զենքի մատակարարման ՄԱԿ արգելքի ժամկետը կլրանա մեկ տարի հետո։
«Այնպիսի երկրներ, ինչպիսիք են Ռուսաստանը և Չինաստանը, կկարողանան Իրանին վաճառել ժամանակակից զենք։ Իրանական ռեժիմը ազատ կլինի վաճառել իր զենքը բոլորին։ Դա կհանգեցնի սպառազինությունների նոր մրցավազքի Մերձավոր Արևելքում»,- գրել է Մայք Պոմպեոն։
Նա զգուշացրել է, որ եթե այժմ է Իրանի վարքագիծն անհանգստացնող, ապա պետք է պատկերացնել, թե ինչ կանի Իրանը ժամանակակից հրթիռների, դրոնների, տանկերի ու ինքնաթիռների հետ։