ՊՍԺ-ի հարձակվող Կիլիան Մբապեն խոսել է Նեյմարի ու փարիզյան ակումբի մասին։
«Մենք ավելի ուժեղ ենք դառնում: Լավ ենք նախապատրաստվել, առջևում կարևոր խաղեր են սպասվում: Կփորձենք մրցունակ լինել: Շատ բան է կախված Նեյմարի շուրջ ստեղծված իրավիճակից:
ՊՍԺ-ն նրա հետ և առանց նրա՝ տարբեր թիմեր են», – Մբապեի խոսքերը փոխանցում է L’Equipe-ը:
Ավելի վաղ հաղորդվել էր, որ Նեյմարը ցանկություն ունի այլ ակումբ տեղափոխվելու։ Սա զայրացրել էր ՊՍԺ-ի ղեկավարությանը։ Նշվում է, որ վերջիններս ցանկանում են բրազիլացու տրանսֆերից առնվազն 200 միլիոն եվրո գումար ստանալ։
