Ռուսաստանի Դաշնության նախագահ Վլադիմիր Պուտինը Անվտանգության խորհրդի մշտական անդամների հետ հերթական խորհրդակցության ժամանակ քննարկել է պաշտպանության և միջազգային անվտանգության հարցերը։
Պուտինը ներկայացրել է քննարկման օրակարգը։
«Այսօր, ըստ ծրագրի, պետք է քննարկենք պաշտպանության և անվտանգության ոլորտում միջազգային համագործակցության հարցերը»,- ասել է Պուտինը: Պետք է միավորել ջանքերը մեր գործընկերների հետ, որպեսզի ապահովենք նաև մեր սեփական անվտանգությունը»,- նշել է նա:
Նշենք, որ խորհրդակցությանը մասնակցել են ՌԴ վարչապետ Միխայիլ Միշուստինը, ՌԴ Դաշնային խորհրդի նախագահ Վալենտինա Մատվիենկոն, Պետդումայի խոսնակ Վյաչեսլավ Վոլոդինը, ՌԴ արտաքին գործերի նախարար Սերգեյ Լավրովը, ՌԴ պաշտպանության նախարար Սերգեյ Շոյգուն և այլք:
Այս մասին տեղեկանում ենք «Արմենպրես»-ից: