Ռուսաստանի նախագահ մամուլի քարտուղար Դմիտրի Պեսկովը հայտնել է, որ Վլադիմիր Պուտինը և նրա թուրք գործընկեր Ռեջեփ Թայիփ Էրդողանն առաջիկայում կհանդիպեն: Նրանք նախատեսում են քննարկել երկկողմ հարաբերությունները և սիրիական խնդիրները Էրդողանի՝ Ռուսաստան կատարելիք աշխատանքային այցի ընթացքում:
«Թուրքիայի նախագահ Էրդողանի՝ Ռուսաստանի Դաշնություն աշխատանքային այց է նախապատրաստվում: Օրակարգը երկկողմ հարաբերությունների մեկնարկից ի վեր ամենաընդարձակն է: Բազմակողմանի հարաբերություններ են, և նախագահները միշտ այս համատեքստում խոսելու բան ունեն: Բայց, իհարկե, Սիրիան եւ տարածաշրջանային այլ հակամարտություններն առաջնային քննարկման թեմաներից են»,- ասել է Պեսկովը: