«Քարդիֆ Սիթիի» երկրպագուներն պերֆորմանս են իրականացրել անհետ կորած Էմիլիանո Սալայի պատվին անգլիական Պրեմիեր-լիգայի 24-րդ տուրի` «Արսենալի» հետ երեկ կայացած խաղից առաջ:
Մեկնարկային սուլիչից առաջ լռության րոպե է կազմակերպվել:
Ֆուտբոլիստները կանգնել են կենտրոնական շրջանի մոտ, իսկ «Քարդիֆի» երկրպագուներն իրենց սեկտորը ներկել են դեղին գույնով, ինչն արգենտինացի ֆուտբոլիստի նախկին ակումբի` ֆրանսիական «Նանտի» հիմնական գույնն է:
Սալան, հիշեցնենք, «Քարդիֆ» է տեղափոխվել «Նանտից» ձմեռային տրանսֆերային պատուհանի ընթացքում: Հունվարի 21-ի երեկոյան հարձակվողը հրաժեշտ է տվել ֆրանսիական թիմի իր խաղընկերներին և մասնավոր ինքնաթիռով մեկնել է Ուելս, սակայն նախատեսված վայրէջքից մոտ մեկ ժամ առաջ անհետացել էր ռադարների տեսադաշտից:
Հաղորդում է armsport.am-ը։
