Քիմ Քարդաշյանը կնկարահանվի թրիլլերում

Ամերիկյան ռեալիթի հեռուստաաստղ Քիմ Քարդաշյանը կնկարահանվի Amazon MGM ստուդիայի թրիլերում։ Այս մասին հայտնում է Deadline-ը։

Ստուդիան իրավունք է ձեռք բերել Նատալի Կրինսկու սցենարի հիման վրա անվերնագիր թրիլլեր նկարահանելու համար։ Նշվում է, որ Քարդաշյանը հանդես կգա նաև որպես ֆիլմի պրոդյուսեր։ Ըստ աղբյուրների՝ Amazon-ը հինգ ստուդիաներից մեկն էր, որոնք մրցում էին նախագծի իրավունքները ձեռք բերելու համար։ Հրատարակությունը պարզաբանում է, որ սցենարը գրվել է հատուկ ռեալիթի շոուի աստղի համար, մինչդեռ սյուժեի մանրամասներն անհայտ են։

Նոյեմբերին հայտնի դարձավ, որ Քիմ Քարդաշյանը կխաղա գլխավոր դերը և հանդես կգա որպես պրոդյուսեր «Հինգերորդ անիվը» ֆիլմում։ Քարդաշյանի հետ կատակերգության վրա աշխատել են պրոդյուսերներ Ջանին Բրիտոն և Փոլա Փելը, իսկ Netflix-ը ստացել է ֆիլմի նկարահանման իրավունքը։