Ֆլորիդայի ամերիկյան Ջեքսոնվիլ քաղաքում անհայտ անձը կրակել է երեք մարդու վրա, ապա ինքնասպան եղել։ Այս մասին հայտնում է РИА Новости-ն՝ քաղաքային իշխանություններին հղումով։
Միջադեպը տեղի է ունեցել շաբաթ օրը՝ օգոստոսի 26-ին, Dollar General խանութում։ Հարձակվողը կրակ է բացել AR-15 ինքնաձիգից և ատրճանակից, նրա վրա հայտնաբերվել է նաև մարտավարական ժիլետ։ Նշվում է, որ նա ռասիստ է եղել։ Նրա զոհերի թվում կան երկու տղամարդ և մեկ կին՝ բոլորը սևամորթ։ Կրակելով նրանց՝ հանցագործն ինքնասպան է եղել։
Ոստիկաններին չի հաջողվել պարզել նրա ինքնությունը։ «Բացարձակապես ոչ մի ապացույց չկա այն վարկածի օգտին, որ նա գործել է հանցավոր խմբի շահերից ելնելով»,- ասել է քաղաքի շերիֆը։
