Ռուսաստանը և Թուրքիան քննարկել են SSJ-100 ինքնաթիռների մատակարարման հարցը։ Այս մասին հայտնել է Ռուսաստանի էներգետիկայի նախարար Ալեքսանդր Նովակը Россия 24 հեռուստաալիքի եթերում։
Բացի դրանից՝ կողմերը քննարկել են МС-21 ինքնաթիռների մատակարարման, ինչպես նաև ուղղաթիռների համատեղ արտադրության հարցը։
Ավելի վաղ տեղեկացրել էինք Թուրքիային ռուսական S-400 զենիթահրթիռային համալիրների մատակարարման առաջին փուլի ավարտի մասին։ Առաջին խմբաքանակի ներկրման համար 30 չվերթ է կատարվել։
Sukhoi Superjet 100 մերձմագիստրալային ուղևորատար ինքնաթիռը առաջին անգամ թռիչք կատարել է 2008 թվականի մայիսին։ Ներկայում արտադրվել է մոտ 190 նման ինքնաթիռ։ Այդ ինքնաթիռի օտարերկրյա բաղադրամասերի բաժինը 80 տոկոս է։
