Ռուսաստանի հետ Ֆինլանդիայի արևելյան սահմանը փակ պահելը ճիշտ որոշում է.
Այդ մասին Yle հեռուստաալիքին տված հարցազրույցում հայտարարել է երկրի նախագահ Ալեքսանդր Ստուբը։
Նշվում է, որ Ստուբը պաշտպանել է Ֆինլանդիայի կառավարության որոշումը՝ ամբողջությամբ փակել Ռուսաստանի հետ սահմանին գտնվող ճանապարհային անցակետերը անորոշ ժամկետով։
Ֆինլանդիայի նախագահի խոսքով՝ սահմանի անժամկետ փակումը թույլ կտա խուսափել քաոսից։ Նա ընդգծել է, որ փախստականների հետ կապված իրավիճակը չի դարձել անվերահսկելի։
