Վերաքննիչ Վարչական դատարանը մերժեց Երևանի ավագանու բողոքը՝ վերահաստատելով, որ կարմիր գծերի թանկացումը ոչ իրավաչափ էր։ Այս մասին ֆեյսբուքյան իր էջում հայտնել է փաստաբան Վահե Գրիգորյանը։ Նա ընդգծել է, որ գործը վերաբերում է 2025 թվականին սահմանված և ոչ իրավաչափորեն թանկացված սակագնին։
Փաստաբանը հիշեցրել է, որ «Մայր Հայաստան» շարժման և համանուն խմբակցության հետ համագործակցության արդյունքում բողոքարկվել էին թե՛ 2024, թե՛ 2025 թվականներին ավտոկայանատեղիների վճարների թանկացումները։