ԱՄՆ-ի Մոնտերեյ քաղաքում ռեկորդային 19,8 միլիոն դոլարով վաճառվել է սպորտային McLaren F1 ավտոմոբիլը: Այդ մասին ասված է այն հայտարարության մեջ, որը ТАСС-ին է տրամադրվել աճուրդի կազմակերպչի՝ Sotheby՚s աճուրդային տան մամուլի ծառայության կողմից:
Ինչպես ընդգծել են դրա ներկայացուցիչները, խոսքը վերաբերում է 1994 թվականի թողարկման այդ մոդելի՝ գոյություն ունեցող երկու ավտոմոբիլներից մեկին, որոնցում արտադրողը տեղակայել է մի շարք կատարելագործված համալրող մասեր: Sotheby՚s-ի փորձագետների խոսքով՝ ավտոմեքենան գերազանց վիճակում է, վազքը կազմում է շուրջ 21,5 հազար կիլոմետր:
Աճուրդին մասնակցել է չորս գնորդ չորսուկես րոպեի ընթացքում: Ավտոմեքենան բաժին է հասել ամերիկացի հավաքորդի, որի անունը չի նշվում: Sotheby՚s-ում ընդգծում են, որ ավելի վաղ McLaren-ի ոչ մի ավտոմոբիլ աճուրդով չի վաճառվել այդքան բարձր գնով: Լոտի գնահատման արժեքը կազմել է 21 միլիոնից մինչեւ 23 միլիոն դոլար:
