Եվրամիության արտաքին քաղաքականության ղեկավար Ժոզեպ Բորելը՝ նշելով, որ Չինաստանը ունի հստակ տնտեսական առավելություն ասել է, որ Ռուսաստանն ու Չինաստանը միավորվում են՝ դիմակայելու արևմտյան աշխարհին և կախվածությունը նրանից թուլացնելու համար։
«Արևմուտքի կամ Միացյալ Նահանգների մասին խոսելիս Մոսկվան և Պեկինը շատ նման լեզու են օգտագործում: Այնուամենայնիվ, մենք պետք է ուշադիր վերլուծենք, թե ինչն է նրանց մղում այս հարցում: Օրինակ՝ տնտեսապես երկու երկրներն էլ ցանկանում են մեծացնել իրենց անկախությունն Արևմուտքից, բայց նրանք չեն խաղում նույն լիգայում, և Չինաստանն ակնհայտ առավելություն ունի»,-գրել է Բորելը իր բլոգում:
Նրա խոսքերով՝ «ռուս-չինական մերձեցումը հիմնված է հիմնականում ժողովրդավարական արժեքների մերժման և այն բանի հակազդման վրա, ինչը իրենք համարում են «միջամտություն» իրենց ներքին գործերին»: