Ռուսաստանը փորձում է չտեսնելու տալ ԱՄՆ ներգրավումը Մեղրիի տրանսպորտային հանգույցում

Ռուսաստանի Անվտանգության խորհրդի քարտուղար Սերգեյ Շոյգուն հայտարարել է, որ «Զանգեզուրի միջանցքը» և Հյուսիս-Հարավ տրանսպորտային միջանցքը չեն մրցակցելու միմյանց հետ։ Նա ընդգծել է, որ երկու ճանապարհներն էլ կարևոր են տարածաշրջանային կապերի և առևտրի համար։ Հյուսիս-Հարավ միջանցքը կապում է հարավի նավահանգիստները Հյուսիսային Սառուցյալ օվկիանոսի և Հյուսիսային ծովային ճանապարհի հետ։ Շոյգուն նշել է, որ Ռուսաստանը, ունենալով զարգացած տրանսպորտային ցանց, աջակցում է ցանկացած ճանապարհի զարգացմանը։