Սա հայկական բանակի համար կարվող կոշիկի մշակված կաշին է․ Քերոբյան

ՀՀ էկոնոմիկայի նախարար Վահան Քերոբյանը Facebook-ի իր էջում հայտնել է, որ վերջին մեկ ամսվա ընթացքում Հայաստանում խոշոր եղջերավոր կենդանիների հում կաշվից մշակվել է 300 տոննայից ավել հումք։

• Էկոնոմիկայի նախարարությունը հետաքրքրված է Հայաստանում կանաչ ջրածնի արտադրությամբ․ Քերոբյան

«Նախկինում խոշոր եղջերավոր կենդանիների հում կաշին ամբողջությամբ արտահանվում էր Թուրքիա, իսկ Թուրքիայից ներմուծվում էր մշակված կաշի, կոշիկ և այլն։

Այժմ Կառավարությունն այս հումքի արտահանումն արգելել է, ամբողջությամբ մշակվում է Հայաստանում, սպառվում է Հայաստանում։ Վերջին ամսվա ընթացքում մշակվել է 300 տոննայից ավել։

Իմ ձեռքին հայկական բանակի համար կարվող կոշիկի մշակված կաշին է։

Երևանի Կաշվի Գործարանի սեփականատերերը Հոլանդիայից Հայաստան վերադարձած սփյուռքահայեր են, ունեն 20 թափուր աշխատատեղ», – գրել է Քերոբյանը։