«Լուսավոր Հայաստան» կուսակցության ղեկավար Էդմոն Մարուքյանը Եռաբլուրում լրագրողների հետ ճեպազրույցում խոսել է Սահմանադրական բարեփոխումների մասին։
Նա նշել է, որ մեծ հարց է՝ կփոխվի սահմանադրությունը, թե՝ ոչ, քանի որ հանրաքվեի բարիերը շատ բարձր է։
Մարուքյանը վստահություն է հայտնել, որ առաջարկներ կնախապատրաստվեն կամ Սահմանադրության նոր շարադրանք կլինի, քանի որ արդեն կա խորհուրդ։
ԼՀԿ ղեկավարն ասաց, որ չի կարող ասել՝ փոփոխությունները կլինեն հանրաքվեի միջոցով, թե՞ Խորհրդարանի մակարդակով։
Հիշեցնենք, որ Մարուքյանն ընդգրկված է սահմանադրական բարեփոխումների խորհրդի կազմում։