Բելգիայի ԱԳՆ-ն հավանության է արժանացրել «Աջակցություն վիրավոր զինվորներին և զինվորական հաշմանդամներին» ՀԿ-ի ներկայացրած ծրագիրն ու հաստատել դրամաշնորհի տրամադրումը։
Ըստ այդմ՝ դրամաշնորհը կուղվվի «Հայրենիքի պաշտպանի վերականգնողական կենտրոնի» կողմից անհրաժեշտ սարքավորումների ձեռքբերմանը, որոնց միջոցով Արցախյան պատերազմի ընթացքում վիրավորում կամ հաշմանդամություն ստացած անձինք վիրահատության են ենթարկվելու։
Ծրագիրը Բելգիայի ԱԳՆ է ներկայացվել Բելգիայում ՀՀ դեսպանության աջակցությամբ։ Հետաքրքրական է, որ Հայաստանը նախապես ներառված չի եղել դրամաշնորհային ծրագրի` 2021 թվականի աշխարհագրական առաջնահերթությունների շարքում։
