Բրիտանական Սոլսբերի քաղաքի տաճարի փայտե կառուցատարրերի վրա հայտնվել է Ռուսաստանի դրոշը, հայտնում է BBC-ն: Դրոշը նկատել են վաղ առավոտյան և արագ իջեցրել են:
Այս միջադեպը մեծ քննադատության է արժանացել Սոլսբերիի իշխանությունների կողմից:
«Բարեբախտաբար, այն արդեն իջեցվել է: Ինչպիսի հիմար խաղ՝ ծաղրել անցյալ տարի Սոլսբերիում տեղի ունեցած ցավալի իրադարձությունները»,- թվիթերյան իր էջում գրել է Բրիտանիայի խորհրդարանում քաղաքի ներկայացուցիչ Ջոն Գլենը:
Thankfully it has been removed now – what a stupid stunt – mocking the serious events sadly experienced in Salisbury last year https://t.co/eDUBFhuOT4
— John Glen MP (@JohnGlenUK) February 17, 2019
Հիշեցնենք, որ անցյալ տարի մարտին Սոլսբերիում «Նովիչոկ» նյարդապարալիտիկ նյութով թունավորվել էին ռուս նախկին լրտես Սերգեյ Սկրիպալը և նրա դուստր Յուլյան:
Որոշ ժամանակ անց հարևան Էյմսբերի քաղաքում թունավոր նյութի ազդեցությանն էր ենթարկվել ևս 2 հոգի, որոնցից մեկը մահացել էր: Բրիտանական իշխանությունները տեղի ունեցածի մեջ մեղադրում են Ռուսաստանին։
ԽՈՐՀՈւՐԴ Է ՏՐՎՈւՄ ԿԱՐԴԱԼ
