Ջո Բայդենը Սպիտակ տանը կընդունի Ֆրանսիայի նախագահ Էմանուել Մակրոնին, որը պետական այցով ԱՄՆ-ում կգտնվի դեկտեմբերի 1-ին, ինչը կնշանավորի Covid-19-ի համավարակի պատճառով խախտված ավանդույթի վերադարձ։
«Մենք կցանկանայինք հայտարարել, որ նախագահ Ջո Բայդենը և առաջին տիկին Ջիլ Բայդենը կընդունեն Ֆրանսիայի նախագահ Էմանուել Մակրոնին և տիկին Բրիժիթ Մակրոնին 2022թ. դեկտեմբերի 1-ի պետական այցի ժամանակ։ Դա կլինի Բայդեն-Հարիսի վարչակարգի առաջին պետական այցը»,- ասել է Սպիտակ տան մամուլի քարտուղար Քարին Ժան-Պիեռը։
Պետական այցը, որը կներառի պետական ընթրիք, «կընդգծի խոր և ամուր հարաբերությունները Միացյալ Նահանգների և Ֆրանսիայի՝ մեր վաղեմի դաշնակցի միջև»,- նշել է նա։
Նա խոստովանել է, որ «քովիդը, անկասկած, չեղարկել է անձնական շատ միջոցառումներ, որոնք նախագահն ավանդաբար անցկացնում էր Սպիտակ տանը»։
