Հայաստանի ֆիզիկական կուլտուրայի և սպորտի պետական ինստիտուտի ռեկտոր Դավիթ Խիթարյանը և Ուկրաինայի ֆիզիկական կուլտուրայի և սպորտի ազգային համալսարանի ռեկտոր Եվհենիյ Իմասը Կիևում ստորագրել են կրթության, գիտության և հետազոտական ոլորտներում համագործակցության վերաբերյալ հուշագիր։
Այս մասին տեղեկանում ենք ՀՀ ԿԳՄՍ նախարարության պաշտոնական կայքից։
- Բացվել են լաբորատորիաներ, որը հնարավորություն կտա կտա ձեռք բերել հմտություններ՝ անօդաչու սարքեր ստեղծել ուղղությամբ
- Ֆիզմաթի թիմը միջազգային մրցույթում 2-րդ տեղն է գրավել
«Ստորագրման արարողությանը ներկա էին Ուկրաինայի կրթության և գիտության նախարարի տեղակալ Արթուր Սելեցկին, Երիտասարդության և սպորտի նախարարի տեղակալ Լյուդմիլա Պանչենկոն և Ուկրաինայում ՀՀ դեսպանատան 3-րդ քարտուղար Հայկ Թորոսյանը։
Ռեկտոր Ե. Իմասը շնորհակալություն է հայտնել հայկական պատվիրակությանը՝ Ուկրաինայում ստեղծված բարդ իրավիճակում այցը չհետաձգելու և Ուկրաինա ժամանելու համար:
Բուհի պատվիրակության անդամները նախօրեին հանդիպել էին նաև Ուկրաինայում ՀՀ դեսպան Վլադիմիր Կարապետյանի հետ և քննարկել ուկրաինահայ համայնքի ներկայացուցիչների՝ Հայաստանի ֆիզիկական կուլտուրայի և սպորտի պետական ինստիտուտի տարբեր կրթական ծրագրերով ուսմանն առնչվող հարցերը, այդ թվում՝ պետպատվերի շրջանակում», – ասված է ԿԳՄՍՆ-ի տարածած հայտարարության մեջ։
