Պատրաստություն

Զինված ուժերի պատրաստության պլանի համաձայն՝ նոյեմբերի 16-ից 20-ը ՀՀ տարածքում անցկացվելու է «Շանթ-2020» զորավարժությունը։ Այս մասին հայտնում են ՀՀ ՊՆ պաշտոնական կայքից։ Նշվում է, որ զորավարժության նախապատրաստման շրջանակում, զորահավաքային ռեսուրսների ուսումնասիրման և նախատեսված միջոցառումների իրականացման ժամկետների կրճատման նպատակով, իրականացվելու են պլանային միջոցառումներ, այդ թվում՝ զինված ուժերի կարիքների համար հաշվառված տրանսպորտային միջոցների և անձնակազմի ուսումնասիրություն։

4-րդ զորամիավորման ենթակայությամբ գործող N զորամասում անցկացվել է մարտավարական պատրաստության պարապմունք, հայտնում են ՀՀ ՊՆ պաշտոնական կայքից։ Նշվում է, որ զինծառայողները պայմանական տարբեր իրավիճակներում կատարել են առաջադրված խնդիրները։ Նրանք ցուցաբերել են հարձակողական գործողությունների իրականացման բարձր պատրաստվածություն և արժանացել հրամանատարության բարձր գնահատականին:    

5-րդ զորամիավորման N զորամասի զինծառայողներն անցկացրել են կրակային պատրաստության գործնական պարապմունք՝ մարտական հրաձգությամբ, հայտնում են ՀՀ ՊՆ պաշտոնական կայքից։ Նշվում է, որ ուսումնական կետերի ղեկավարները հրահանգավորել են զինծառայողներին՝ ստուգել զենքի կիրառման հմտությունները: Նախարարությունից հայտնում են նաև, որ իրականացվել են մարտական հրաձգության տարբեր վարժություններ:

4-րդ զորամիավորման զորամասերից մեկում անցկացվել է կրակային պատրաստության գործնական պարապմունք: Նպատակը եղել է հաստիքային զենքերի տիրապետման և կիրառման հմտությունները կատարելագործելը։ Այս մասին տեղեկացնում են ՀՀ ՊՆ պաշտոնական կայքից։

3-րդ զորամիավորումում անցկացվել են կրակային պատրաստության գործնական պարապմունքներ տարբեր զինատեսակներից։ Պարապմունքների նպատակը եղել է Հաստիքային զենքի տիրապետման, կրակի վարման ունակությունների ու կարողությունների զարգացնելը։ Այս մասին տեղեկացնում են ՀՀ ՊՆ պաշտոնական կայքից։

Տարբեր զինատեսակների կիրառմամբ մարտական կրակի վարման ժամանակ զինծառայողների գործնական հմտությունները և ունակությունները զարգացնելու նպատակով հոկտեմբերի 16-ին 4-րդ զորամիավորման ենթակայությամբ գործող զորամասերից մեկում անցկացվել են կրակային պատրաստության պարապմունքներ: Այս մասին տեղեկացնում են ՀՀ ՊՆ պաշտոնական կայքից։

Սեպտեմբերի 27-ին ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը եղել է զինված ուժերի զորավարժարաններից մեկում, հետևել ռազմավարական զորավարժության շրջանակում զինված ուժերը համալրած պահեստազորայինների կրակային պատրաստության պարապմունքներին, ծանոթացել ճամբարային ավանի կացարանային պայմաններին: Գեներալ-լեյտենանտ Արտակ Դավթյանը շնորհակալություն է հայտնել պահեստազորայիններին ցուցաբերած պատրաստակամության և զորավարժությանն ակտիվ մասնակցության համար, կարևորել է նմանօրինակ զորահավաքների դերը զինված ուժերի մշտական պատրաստականության…