Անգլիայի և Ուելսի գրեթե 50 լողափերի համար նախազգուշացումներ են տրվել աղտոտվածության մասին, այն բանից հետո, երբ հորդառատ անձրևները հանգեցրել են գետերի և ծովի կեղտաջրերի արտահոսքի։
Ֆրանսիացի պատգամավորները մեղադրում են Մեծ Բրիտանիային բնապահպանական պարտավորությունները անտեսելու և ծովային կյանքն ու ձկնորսությունը վտանգի ենթարկելու մեջ։
Բրիտանական ընկերությունները հայտարարել են, որ ներդրումներ են կատարում խնդրի լուծման համար:
Եվրամիությունից իր հեռանալուց ի վեր Միացյալ Թագավորությունը անտեսել է իր բնապահպանական պարտավորությունները, ասվում է Եվրախորհրդարանի պատգամավորների նամակում, որը կոչ է անում իրավական կամ քաղաքական քայլեր ձեռնարկել Եվրահանձնաժողովից:
Մեծ Բրիտանիայի կառավարության խոսնակն հայտնել է, որ իրենց պնդումը չի համապատասխանում իրականությանը:
Եվրախորհրդարանի պատգամավորները պնդում են, որ չնայած նրան, որ այլևս կապված չէ ԵՄ օրենքնեին, Մեծ Բրիտանիան դեռևս ստորագրել է Միավորված ազգերի կազմակերպության համապատասխան կոնվենցիաները՝ ընդհանուր ջրերի պաշտպանության մասին:
Եվրախորհրդարանի երեք պատգամավորները բոլորն էլ պատկանում են Ֆրանսիայի նախագահ Էմանուել Մակրոնի «En Marche» եվրամիության կողմնակից կուսակցությանը: Նրանցից մեկը՝ Պիեռ Կարլեսկինդը, նախագահում է Եվրախորհրդարանի ձկնորսության կոմիտեն։
