Օրերս ԱՄՆ-ի Լուիզիանա նահանգի ափերին մոտեցած «Իդա» փոթորիկը խոշոր վնասներ է հասցրել նաև Նյու Յորքում ու Նյու Ջերսիում։
Նախագահ Ջո Բայդենը այդ նահանգներում հայտարարել է արտակարգ դրություն։
Այս մասին տեղեկանում ենք Սպիտակ տան տարածած հայտարարությունից։
Փոթորիկի հետևանքով նահանգներում հորդառատ անձրևներ են սկսել տեղալ, որոնց հետևանքով էլ գրանցվել են հեղեղումներ ու ջրհեղեղներ։ Արդյունքում, 2 նահանգներում միասին, զոհվել է արդեն առնվազն 28 մարդ։