Մելբուռնի հայտնի շեֆ-խոհարար և ռեստորանատեր Թիգ Էզարդը մահացել է 59 տարեկանում։ Մահվան մասին տեղեկությունը հաստատել է նրա ընտանիքը՝ նշելով, որ Էզարդը երկար ժամանակ պայքարել է նյարդաբանական հազվադեպ և անբուժելի հիվանդության՝ համակարգային ատրոֆիայի դեմ։
Էզարդը մեծ ազդեցություն է ունեցել ավստրալական խոհարարության վրա՝ 1990-ականների վերջից սկսած իր նորարարական մոտեցումներով։ Նրա «Ezard» և «Gingerboy» ռեստորանները դարձել էին ասիական և ժամանակակից ավստրալական համերի յուրօրինակ միաձուլման խորհրդանիշ։ Գործընկերները և հայտնի շեֆ-խոհարարները նրան հիշում են որպես «առաջնորդ» և «ռոք աստղ», ով հեղափոխել է Մելբուռնի ռեստորանային մշակույթը՝ դարձնելով այն աշխարհում ճանաչելի ուղղություն։
Հիվանդության ախտորոշումից հետո՝ 2024 թվականի հոկտեմբերին, Էզարդն իր կնոջ՝ Տինայի հետ հիմնել էր «Combat MSA» բարեգործական կազմակերպությունը՝ նպատակ ունենալով իրազեկել հասարակությանը այս դաժան հիվանդության մասին։ Մարտի 24-ին նախատեսված դրամահավաք ընթրիքը, որին մասնակցելու են երկրի առաջատար խոհարարները, այժմ կդառնա Էզարդի հիշատակին նվիրված միջոցառում։