Fundstrat Global Advisors-ի Հետազոտությունների բաժնի ղեկավար և համահիմնադիր Թոմ Լին կանխատեսում է, որ Ethereum-ը (ETH) հաջորդ 12 ամիսների ընթացքում կարող է գերազանցել 10,000 դոլարի շեմը։ Yahoo Finance-ի փոխանցմամբ՝ Լին Արթուր Հեյսի կողմից առաջ քաշված տարեվերջյան թիրախը որակել է չափազանց պահպանողական՝ ընդգծելով, որ թվային ակտիվների գանձապետարանների ակտիվացումն ու ինստիտուցիոնալ ներդրումների ալիքը կարող են խթանել շուկայի ամենախոշոր ցիկլերից մեկը։
Կորեական բլոկչեյն շաբաթվա (Korea Blockchain Week) շրջանակում անցկացված քննարկման ժամանակ Լին նշել է, որ չնայած տարեվերջին 10,000 դոլարին հասնելու հավանականությունը հստակ չէ, մեկ տարվա հեռանկարում ակտիվի գինն զգալիորեն բարձր կլինի։ Հղում անելով անցյալի ցիկլերին, որոնցում Ethereum-ը աճել էր 50-ից 200 անգամ, նա նշել է, որ 25-ապատիկ աճի պարագայում գինը տեսականորեն կարող է հասնել շուրջ 62,000 դոլարի։
Թվային գանձապետարանների ազդեցությունը մատակարարման վրա
Լիի կանխատեսման առանցքում թվային ակտիվների գանձապետարանների (DAT) դերն է։ Ըստ Yahoo Finance-ի տվյալների՝ Ethereum գանձապետարաններն այժմ տնօրինում են մատակարարման ընդհանուր ծավալի մոտ 7%-ը, և այդ ցուցանիշը այս ցիկլում կարող է հասնել մինչև 15%։
Bitmine Immersion Technologies (BMNR) ընկերությունը, որտեղ Լին հանդիսանում է տնօրենների խորհրդի նախագահ, հանդիսանում է Ethereum-ի ամենախոշոր գանձապետարանը՝ տնօրինելով 6,001,302 ETH, ինչը կազմում է ընդհանուր առաջարկի 4.9%-ը։ Լին հավելել է, որ նմանատիպ միտումներ են նկատվում նաև այլ թոքենների գծով, օրինակ՝ Hyperliquid-ի պարագայում, որտեղ գանձապետարանները շարունակում են ակտիվորեն գնել շրջանառվող ծավալները։
Ինստիտուցիոնալ ընդունումը և տոկենիզացիայի գերիշխանությունը
Անդրադառնալով շուկայական լայն միտումներին՝ Լին նշել է, որ ինստիտուցիոնալ մասնակցությունը դեռևս շատ ցածր է. Fundstrat-ի տիրույթում գտնվող հաստատությունների միայն մոտ 2%-ն ունի կրիպտոարժութային բաշխում։ Այս չօգտագործված ներուժը, ըստ նրա, կարող է ապահովել կապիտալի հսկայական հոսք չորրորդ եռամսյակում։
Միևնույն ժամանակ, Stocktwits-ի համաձայն՝ Լին հերքել է այն պնդումները, թե Ethereum-ը զիջում է իր դիրքերը մրցակից բլոկչեյններին՝ շեշտելով, որ JPMorgan-ի և BlackRock-ի նման խոշոր ընկերությունների տոկենիզացիային ուղղված նախագծերի 99%-ը կառուցված է Ethereum-ի բազայի վրա։