Թագուհի Թովմասյանն առաջադրվեց ԱԺ մշտական հանձնաժողովներից մեկի նախագահի թեկնածու

Ազգային ժողովում շարունակվում է 8-րդ գումարման առաջին նստաշրջանը։ Այսօրվա նիստի օրակարգում է ԱԺ մշտական հանձնաժողովների նախագահների ընտրության հարցը։

Այսօր ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնում ընդդիմությունն առաջադրեց «Պատիվ ունեմ» խմբակցությունից Թագուհի Թովմասյանի թեկնածությունը։

Թովմասյանն իր ելույթում ասաց, որ ի լուր աշխարհի պետք է բարձրաձայնվի Ադրբեջանի կողմից մարդու իրավունքների վերաբերյալ բոլոր հնարավոր կոնվենցիաների խախտումների մասին։