Հոլանդական PAL-V ընկերությունը, որը մշակում է իր Liberty թռչող մեքենայի նախագիծը, մեքենան ներկայացրել է իրական քաղաքային երթևեկության մեջ։ Ավելի քան տասը տարի մշակվող մոդելի նախատիպը ցուցադրվել է Լոնդոնի փողոցներում, և հենց իրենք՝ ստեղծողները ցույց են տվել, որ մի քանի րոպեում այն կարելի է ինքնաթիռի վերածել։ Այս մասին գրում է motor.ru-ն։
Երկտեղանոց մեքենան կարող է անցնել մոտ 1300 կիլոմետր առանց վառելիքի լիցքավորման՝ 100 ձիաուժ հզորությամբ շարժիչի միջոցով, ժամում մինչև 160 կիլոմետր առավելագույն արագությամբ։ Թռիչքների համար նախատեսված է առանձին 200 ձիաուժ հզորությամբ շարժիչ, իսկ թռիչքի հեռահարությունը հայտարարված է մինչև 500 կիլոմետր։