ԱՄՆ նախագահ Դոնալդ Թրամփը շնորհակալական նամակ է հղել Ադրբեջանի նախագահ Իլհամ Ալիևին՝ վարչապետ Նիկոլ Փաշինյանի հետ համատեղ Նոբելյան խաղաղության մրցանակի առաջադրման համար։ Նամակի տեքստը հրապարակվել է Ադրբեջանի նախագահի պաշտոնական կայքում։
Նամակում Թրամփը իր երախտագիտությունն է հայտնել այս բարձր գնահատականի համար՝ նշելով, որ այն ոգեշնչում է իրեն շարունակելու իր կարևոր առաքելությունը։ Նա ընդգծել է, որ որպես Ամերիկայի Միացյալ Նահանգների նախագահ՝ հանձնառու է ամբողջ աշխարհում հակամարտությունները դադարեցնելուն և բոլոր մարդկանց համար խաղաղություն ու բարգավաճում ապահովելուն։
Թրամփը նաև կարևորել է Ադրբեջանի և Հայաստանի ղեկավարների հետ համագործակցությունը՝ նշելով, որ նրանց շարունակական աջակցությունը կարևոր է համաշխարհային խաղաղության և կայունության հաստատման գործում։
Նշենք, որ քաղաքականության մեջ առաջնորդվում են միայն շահերով, որի պատճառով հարյուր հազարավոր մարդկանց գաղթական դառնալը կարող է անգամ աննկատ մնալ։