Թուրքիայի Վան քաղաքի մոտակայքում տեղի է ունեցել միջին ուժգնության երկրաշարժ։
Այս մասին տեղեկանում ենք Եվրոպական-միջերկրածովյան սեյսմոլոգիական կենտրոնից։
Նշվում է, որ երկրաշարժի ուժգնությունը կազմել է 5,1 մագնիտուդ։
Ցնցման էպիկենտրոնը գտնվել է Վանից 44 կիլոմետր հյուսիս-արևելք՝ օջախի 2 կիլոմետր խորությամբ։
Զոհերի, վիրավորների ու ավերածությունների մասին տվյալներ չեն հաղորդվում։
