Իսրայելական «Jerusalem Post» թերթում տեղ գտած տեղեկությունների համաձայն՝ Թուրքիան պատրաստվում է Իսրայելի դեմ պատժամիջոցներ կիրառել:
Նշվում է, որ պատժամիջոցները վերաբերելու են Իսրայել-Թուրքիա տնտեսական համագործակցությանը:
Դրանց կիրարկման դեպքում Իսրայելը դուրս կմնա այն պետությունների շարքից, որոնք ապրանքներ են ներմուծում Թուրքիայից:
Թուրքիան դադարելու է պետական մակարդակով աջակցել Իսրայելի հետ առևտուր իրականացնող, ինչպես նաև այլ ոլորտներում համագործակցող թուրքական ընկերություններին, գրում է Ermenihaber-ը:
Իսրայելական մեդիայում նման քայլը մեկնաբանվել է Պաղեստինա-Իսրայելական հակամարտության սրումից հետո Թուրքիայի որդեգրած հակասեմական (հակահրեական) քաղաքականության շրջանակներում։
