2020 թվականից իռլանդական Ryanair ավիաընկերությունը կսկսի թռիչքներ իրականացնել Հայաստանից:
Այսօր Երևանում կայացած ասուլիսում ավիաընկերության կոմերցիոն տնօրեն Դեյվիդ Օ Բրայանը նշեց, որ թռիչքները կիրականացվեն Հռոմ և Միլան՝ հունվարից, իսկ ամռանից՝ դեպի Բեռլին:
Նա նշեց ասաց, որ 2020 թվականի ամռանից Գյումրիի օդանավակայանից թռիչքներ կկատարվեն Մեմմինգեն (Մյունխենի մոտակայքում)։
Դեյվիդ Օ Բրայանի խոսքով՝ ավիատոմսերի միջին արժեքը կազմում է 35 եվրո: Նա նշեց, որ այսօրվանից հնարավոր է ամրագրել ավիատոմսերը Ryanair ընկերության կայքում:
