Որոշ մթերքներ կարճաժամկետ են հագեցվածություն առաջացնում, որից հետո քաղցի զգացումը կրկնապատկվում է: Ինչու՞ է այդպես, Sputnik ռադիոյին տված հարցազրույցում պատմել է սննդաբան Ելենա Սոլոմատինան։
Օրգանիզմի պահանջները բավարարելու համար սնունդը պետք է պարունակի բավարար քանակությամբ սպիտակուցներ, ճարպեր, ածխաջրեր, ինչպես նաև վիտամիններ և հանքանյութեր։ Սննդի մեջ այդ տարրերից մեկի կամ մի քանիսի բացակայությունը կամ ցածր պարունակությունը սովի զգացում կառաջացնի, ասում է սննդաբանը։ Օրինակ՝ ֆասթ ֆուդը չի կարող լիովին բավարարել մարդու սննդանյութերի կարիքը, ուստի դրանից հետո նորից ուզում ես ուտել։
Օրգանիզմը ցանկանում է ավելի շատ ուտել ֆասթ ֆուդից հետո, քանի որ դրա մեջ օգտակար նյութեր չի գտնում։ Սա կարելի է համեմատել ոսկի փնտրողի գործողությունների հետ։ Նրան նույնպես շատ հանքաքար է պետք՝ մի քանի արժեքավոր ոսկե ավազ գտնելու համար: Օրգանիզմը արագ սննդից ստանում է շատ ածխաջրեր և ճարպեր, սակայն ոչ՝ օգտակար նյութեր, ուստի ցանկանում եք ավելի շատ ուտել։ Մինչ օրգանիզմը սննդանյութեր է փնտրում արագ սննդի մեջ, ախորժակը միայն ուժեղանում է, ասել է Ելենա Սոլոմատինան։ Ֆասթ ֆուդի հաճախակի օգտագործումը կարող է ստեղծել անվերջ սովի զգացում, երբ ինչքան շատ ես ուտում, այնքան շատ ես ուզում։
«Որտե՞ղ է գնում այն ամենը, ինչ վնասակար է այս սննդից. այդ ամենը գնում է ճարպային հյուսվածքի մեջ: Երբ կա շատ ճարպային հյուսվածք, այն սկսում է աշխատել որպես անկախ օրգան և բառացիորեն այլասերում է մարմնի ցանկությունները: Այսպիսով, լեպտին հորմոնը, որը նորմալ իրավիճակում (սնվելուց հետո,- խմբ.) պետք է «ասի», որ օրգանիզմը լցված է սնունդով և այլևս չի ուզում ուտել, փոխարենը սկսում է սխալ ազդանշաններ տալ, ինչի արդյունքում որքան մարդ կշտանում է, այնքան ավելի է ուզում է ուտել»,- բացատրել է Ելենա Սոլոմատինան։
ԽՈՐՀՈւՐԴ Է ՏՐՎՈւՄ ԿԱՐԴԱԼ
