ՀՀ կրթության, գիտության, մշակույթի և սպորտի նախարարությունը տեղեկացնում է, որ դեկտեմբերի 15-ից մեկնարկում է 2024-2025 ուստարվա շրջանավարտների պետական ավարտական քննությունների և 2025 թվականի բուհերի ընդունելության միասնական քննությունների (I փուլ) հայտագրման գործընթացը: Շրջանավարտներն ու դիմորդները պետք է տեղյակ լինեն կարևոր ժամկետների և ընթացակարգերի մասին:
Պետական ավարտական քննություններին մասնակցելու համար շրջանավարտները մինչև դեկտեմբերի 10-ը պետք է դիմում ներկայացնեն իրենց ուսումնական հաստատության տնօրենին: Տնօրենները դեկտեմբերի 15-30-ն ընկած ժամանակահատվածում հայտերը մուտքագրում են app.dimord.am կայքում:
Միասնական քննություններին մասնակցելու համար շրջանավարտները և դիմորդները պետք է առցանց լրացնեն դիմում-հայտ dimord.am կայքում՝ նշելով առավելագույնը երկու առարկա։ Դիմումները ընդունվում են դեկտեմբերի 15-ից մինչև դեկտեմբերի 25-ը՝ ժամը 18։00:
Հայտագրման համար անհրաժեշտ փաստաթղթերն են.
- 3×4 չափի լուսանկարի էլեկտրոնային տարբերակ
- Անձնագրի կամ ծննդյան վկայականի պատճեն
- Վճարի անդորրագիր՝ յուրաքանչյուր քննության համար 4,500 դրամ վճարած լինելու վերաբերյալ
Միասնական քննությունների վճարից ազատվում են.
- Պարտադիր ժամկետային զինծառայությունից զորացրված անձինք
- 1-ին և 2-րդ խմբի հաշմանդամները և մինչև 18 տարեկան հաշմանդամ անձինք
- ՀՀ պաշտպանության ժամանակ զոհված զինծառայողների երեխաները
- Առանց ծնողական խնամքի մնացած մինչև 23 տարեկան անձինք
Վերոնշյալ խմբերին պատկանող անձինք պետք է կցեն համապատասխան փաստաթղթերի պատճեններ՝ զինվորական գրքույկ, հաշմանդամության տեղեկանք կամ ծնողական խնամքից զրկված լինելու մասին հաստատող փաստաթղթեր:
2025 թվականի բուհերի ընդունելության առաջին փուլի քննությունները նախատեսված են հունվարին և փետրվարին: Այս գործընթացը կարևոր է շրջանավարտների և դիմորդների համար՝ կրթական կարիերան շարունակելու համար։ Խորհուրդ է տրվում հետևել նշված ժամկետներին և ընթացակարգերին՝ հնարավոր խնդիրներից խուսափելու համար։
ԽՈՐՀՈւՐԴ Է ՏՐՎՈւՄ ԿԱՐԴԱԼ
