Ուրարտուն հաղթեց Արսենալին ու դարձավ մրցաշարի չեմպիոն.ԵԱՏՄ Գավաթ

Երևանում ավարտվեց ԵԱՏՄ Գավաթի խաղարկությունը:

Մի քանի օր տևած բասկետբոլային ընկերական մրցաշարն ավարտվեց «Ուրարտու» ակումբի չեմպիոնությամբ:

Վերջին խաղում հայկական ակումբը մրցեց Տուլայի «Արսենալի» հետ ու հաղթեց 92:72 հաշվով: Այս հաղթանակի շնորհիվ մեր ակումբը մրցաշարում վաստակեց 5 միավոր ու նվաճեց գավաթը:

Հանդիպման ամենաարդյունավետ բասկետբոլիստ ճանաչվեց Շեյն Հենրին` 22 միավորով:

«Ուրարտուն» մրցաշարը սկսեց պարտությամբ` 74:78 հաշվով զիջելով «Բարսիին»: Հաջորդ խաղում էլ հաղթանակ տոնեց «Ցոր Բորիսֆենի» նկատմամբ` առավելության հասնելով  91:79 հաշվով:

Լավագույն խաղարկող-Օլեգ Բալաշով («Բարսի Ատիրաու»)

Լավագույն պաշտպան- Թադե Քեշիշյան («Ուրարտու»)

Լավագույն թեթև հարձակվող- Դարոլ Էրնանդես Զինենկո («Ցոր-Բորիսֆեն»)

Լավագույն ծանր հարձակվող – Շեյն Հենրի («Ուրարտու»)

Լավագույն կենտրոնական – Դմիտրի Ռիտենկո («Արսենալ»)

Խաղարկության MVP ճանաչվեց Թադե Քեշիշյանը:

Լավագույն մարզիչը «Ուրարտուի» գլխավոր մարզիչ Միքայել Պողոսյանն է:

ԵԱՏՄ գավաթի խաղարկության կազմակերպիչ և Ա լիգայի նախագահ Արա Պողոսյանը արժանացավ հատուկ մրցանակի:

Պարգևատրման արարողությունը

https://streamable.com/ox4xk

Հաղորդում է armsport.am-ը։