ԱՄՆ վարչակազմը որոշել է զգալիորեն բարձրացնել անօրինական ներգաղթյալների համար ինքնաարտաքսման բոնուսը՝ հասցնելով այն մինչև 3000 դոլար։ ԱՄՆ ներքին անվտանգության նախարար Քրիստի Նոեմը հայտարարել է, որ այս գումարը հասանելի կլինի նրանց, ովքեր մինչև տարեվերջ կդիմեն կամավոր արտաքսման ծրագրին։ Բացի այդ, կառավարությունը կծածկի նրանց ինքնաթիռի տոմսի արժեքը և ներողամտորեն կվերացնի ներգաղթի խախտումների համար նախատեսված տուգանքներն ու պատժամիջոցները։
Անօրինական ներգաղթյալների թիվը կրճատելու նպատակով ԱՄՆ իշխանությունները ակտիվացրել են ինքնաարտաքսման ծրագիրը՝ առաջարկելով ֆինանսական խթաններ։ Այս տարվա հունվարից ի վեր 1.9 միլիոն ներգաղթյալներ օգտվել են այս հնարավորությունից։ Նախկինում ԱՄՆ նախագահ Դոնալդ Թրամփը բազմիցս պաշտպանել է խիստ ներգաղթային քաղաքականությունը՝ հայտարարելով, որ մտադիր է իրականացնել անօրինական ներգաղթյալների ամենամեծ արտաքսման գործողությունը։