«Լեսթերի» հարձակվող Ջեյմի Վարդին Անգլիայի Պրեմիեր Լիգայում նոր ռեկորդ է սահմանել։
Այս մասին գրում է Opta-ն։
Նշվում է, որ Վարդին գոլի հեղինակ է դարձել «Բարնլիի» դեմ խաղում։ Դա նրա 94-րդ գոլն էր Անգլիայի առաջնությունում՝ 30 տարեկան դառնալուց հետո։ Սա ռեկորդային ցուցանիշ է։
Մինչև Վարդին ռեկորդը պատկանում էր Իան Ռայթին, ով 93 գոլ էր խփել 30 տարեկանից հետո։
Նշենք, որ «Լեսթեր» – «Բարնլի» հանդիպումն ավարտվեց 2-0 հաշվով։