Ռուսաստանի վաստակավոր արտիստ Գրիգորի Լեպսը խոստովանել է, թե որքան է վաստակել իր Рюмка водки (Մի բաժակ օղի) հիթի շնորհիվ։
Հայտնում է mk.ru-ն։
Ըստ Լեպսի` իր կատարմամբ ստեղծագործությունների 99%-ն ինքը ձեռք է բերել, իսկ Рюмка водки-ն, թերևս, իր լավագույն ներդրումն է։ «Ես դրա վրա ծախսել եմ 300 դոլար, վաստակել՝ 50 միլիոն։ Շատ դժվար է կռահել՝ որ ստեղծագործությունը հիթ կդառնա»,- խոստովանել է նա։
Լեպսը դժվարացել է նշել երգի հանրաճանաչության պատճառը։
«Рюмка водки-ն իմ երգացանկի միակ երգն է, որում ես լիովին վստահ էի: Չգիտեմ ինչու, երևի այն պատճառով, որ հարբեցող եմ», – ծիծաղում է: