Ջորջ Մայքլը թողարկեց Freedom ‘90 երգն ու տեսահոլովակը 1990 թվականին։ Տեսահոլովակը երգչի գեղարվեստական աճի և ոճային փոփոխության խորհրդանիշն էր։
Freedom ‘90-ը կարծես ոչնչացրեց Մայքլի ավելի վաղ կարիերայի խորհրդանիշները, ինչպես օինակ՝ ջուկբոքսը և կաշվե բաճկոնը, որոնք կապված էին Faith երգի տեսահոլովակի հետ։ Ինչպես նաև նա այլևս չէր տառապում աստղային հիվանդությամբ և այս երգը հիանալի միջոց էր դա ցույց տալու։ Թե՛ բառերը, թե՛ տեսահոլովակը հանճարեղ են և անժամանակ։ Տեսահոլովակում միայն մոդելներ են, իսկ Մայքլը ներկա չէ։
Այդ ժամանակաշրջանում այդպիսի քայլն իսկապես հեղափոխական էր։ Նախ՝ երգչի բացակայությունը և կիզակենտրոնում մոդելների լինելը։ Մոդելներ, ովքեր 90-ականների իկոնիկ դեմքերն էին, և այս տեսահոլովակի շնորհիվ դարձան էլ ավելի հայտնի ու պահանջված։ Նրանք էին Լինդա Եվանգելիստա, Նաոմի Քեմբլը, Քրիստի Տարլինգտոնը, Սինդի Քրոուֆորդը և Տատյանա Պատիտցը։
Երգը ազատության մասին է, իր՝ բոլոր արտահայտումներով։ Երգը այնքան հայտնի և սիրված էր, որ այն լսում էին բոլորը և ամենուրեք, հատկապես՝ նորաձևության աշխարհում։ Օրինակ՝ Versace-ն օգտագործեց Freedom-ը՝ փակելու 1991 թվականի իր աշնանային ցուցադրությունը: Ցուցադրության վերջում տեսահոլովակում նկարահանված չորս մոդելները դուրս եկան բեմ և ձեռք ձեռքի քայլեցին երգի ներքո։ Սա համարվում է նորաձևության աշխարհում ամենահիշվող պահերից մեկը։
2016-ին Vogue-ը տեսահոլովակ թողարկեց, որը այս նույն տեսահոլովակի՝ վերափոխված ձևն էր։ Ինչպես նաև 2017-ի սեպտեմբերին Versace-ի Գարուն 2018 շոուի ժամանակ Քեմփբելը և Քրոուֆորդը ՝ Հելենա Քրիստինսենի, Կառլա Բրունի-Սարկոզիի և Կլաուդիա Շիֆերի հետ միասին, փակեցին ցուցադրությունը ՝ միասին քայլելով Freedom ‘90-ի նեքո, կարծես՝ վերստեղծելով տեսահոլովակը:
Ջորջ Մայքլի Freedom ‘90-ը հանճարեղ, անժամանակ հիթ է, որը մեծ հաջողությամբ միացրեց նորաձևության և զվարճանքի աշխարհները։
Աննա Մարտիրոսյան