ՀՀ սննդամթերքի անվտանգության տեսչական մարմինը հայտնել է, որ Երևանի կենտրոնի տեսուչները կրկնակի ստուգմամբ պարզել են, որ «Գոլդեն Չոյս» ՍՊԸ-ին պատկանող մսամթերքի արտադրությունում շտկվել են նախորդիվ հայտնաբերված սանիտարահիգիենիկ նորմերի բոլոր խախտումները:
«Տեսչական մարմնի ղեկավարի որոշմամբ՝ ընկերության արտադրական գործունեության կասեցումը վերացվել է:
- Ամփոփվել են թռչնամիս արտադրող ընկերությունների մշտադիտարկման արդյունքները. ՍԱՏՄ
- Իրացման ցանցում հայտնաբերվել է պիտանիության ժամկետն անցած հավի ձու. ՍԱՏՄ
Վերացվել է նաև Շիրակի մարզում գործող երկու ընկերությունների՝ «Արթ-Հեստել» ՍՊԸ-ին պատկանող կրեմային հրուշակեղենի և անհատ ձեռնարկատեր Աստղիկ Անանյանին պատկանող լիմոնադի արտադրամասերի կասեցումը, քանի որ Շիրակի մարզային կենտրոնի տեսուչներն այս արտադրություններում արձանագրել են գործունեության վերսկսման համար պատշաճ հիգիենիկ պայմաններ»,- ասվում է հաղորդագրության մեջ: