Ավանում և Նոր Նորքում վերահսկվել է տրասպորտում հակահամաճարակային կանոնների պահպանումը

Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմինը նոյեմբերի 24-ին վերահսկողական աշխատանք է իրականացրել Ավան և Նոր Նորք վարչական շրջաններում։

Այս մասին տեղեկանում ենք տեսչական մարմնի Facebook-ի էջից։

Նշվում է, որ այդ ընթացքում դիտարկվել է ուղևորափոխադրում իրականացնող 45 տրանսպորտային միջոց, որոնցում հայտնաբերվել է հակահամաճարակային կանոնների խախտման 2 դեպք։

Ըստ աղբյուրի՝ ուղևորները դիմակ չեն կրել, որոնց վերաբերյալ արձանագրություններ են կազմվել։